يالله تستر من زمان الحظاره

البارحه في ليل مظلم خلاوي
جالس افكر في زمان الحظاره
حظارتن شفنا معاها البلاووي
دمار والمووضه سبايب دماره
فيه البنات يحاربن الغطاوي
بضيق العباة اللي تضايق زراره
تمشي تخمع في مجسم رهاوي
يدآ بها جوال ويدآ زقاره
اصبح لهن مجلاس عند القهاوي
ياخوفي من بكرا يردن سكارى
اصبح ضروري بالمحبه تخاوي
وش هالزمان اللي غريبن مساره
اما الشباب اللي تطوول الحكاوي
اللي ضياعه صايرن من شعاره
البعض منهم للمشاكل غواوي
اللي طموحه في حياته دشاره
ابوه يشكي ماتفيد الشكاوي
من كثر سجنه صاير السجن داره
والبعض منهم في حياته هواوي
يعزف وتشكي من عزوفه اوتاره
يرقص على موضي حياته غناوي
سهران كل ليله ونايم نهاره
يسحب على ساره ويصاحب مضاوي
وتزعل مضاوي ثم رجعلك ياساره
في دنيته عايش وعاشق وهاوي
كل الحرام وكل دربن دعاره
هذي حياته ياحياة الشقاوي
ياكثر من مثله حياته خساره
متجنبن اهل الذمم واللحاوي
المسلم اللي لحيته هي وقاره
ماكنت ناوي والله ماكنت ناوي
بس الحراره يالهيب الحراره
ماني بقاوي بس ماني بقاوي
افصل الواقع بثوب الطهاره
يالله سترك من زمان البلاوي
يالله تستر من زمان الحظاره

يعطيك العافيه

على هالشعر الروؤعه

وماقصرت

ياعفيك خيوو ومشكو عالمرور

صح اللسانكـــ خيووو..

وحيـــــــــــــــل حلوه القصيدة ...

يا ساتر شدعوه هالنظره السوداويه

القصيده كأسلوب شعري حلوه بس في ظلم لعامة الناس

يعطيك العااااااااااافيه